U17 landsliðið fyrireikar seg til Wales

Eftir stóra skuffilsi í gjár, so eru fyrireikingarnar til dystin ímóti Wales farnar í gongd. Venjing hevur verið í morgun og seinna partin verður hvild og aftur ein venjing.
Wales er ikki eins og góðar sum Frakland, men tó krevur tað ein 100% innsats frá gentunum, um tær skulu fáa gott úrslit burturúr. Fyri einum ári síðani møttust hesi bæði liðini, og ta ferðina vann Wales 4-0, sum tó ikki sigur alt um dystin. Dysturin byrjar kl. 10 føroyska tíð í morgin, sunnudagin.

Føroysku gentirnar búgva væl. Tær búgva á einum nýggjum hotelli, og venjingarvøllurin liggur beint við hotelli, so umstøðurnar eru góðar. Veðrið er sera skiftandi og uppliva tey eisini tær fýra ártíðirnar uppá ein dag, ið ein mangan ger í Føroyum.

Sum sagt so verður næsti dysturin ímorgin áðrenn kl. 10 ímóti Wales. Ein kann fylgja við dystinum á uefa.com

Gentirnar uttanfyri hotelli